بەڕێوەبەرایەتی گومرگی ئیلام ڕێژەی هەناردەی ئێران بۆ عێراق ئاشکرا دەکات
بەشی ئێران- بەڕێوەبەرایەتی گومرگی پارێزگای ئیلام رایگەیاند: ئێران مانگی رابردوو بە بەهای زیاتر لە ٥٣ ملیۆن دۆلار و بە قەبارەی ١٨٣ هەزار و ٦٤٨ تۆن کاڵا هەناردەی عێراق کردووە.
بەپێی هەواڵی کوردپرێس، روحوڵڵا غولامی بەڕێوەبەری گومرگی پارێزگای ئیلام لە لێدوانێکیدا رایگەیاند: بە قەبارەی ٣٩ هەزار تۆن شوتی سور و سێو و پرتەقاڵ و تەمامەتە، بە بەهای ١٠ ملیۆن و ٢٩ هەزار دۆلار لە دەروازەی سنووریی مێهرانەوە هەناردەی عێراق کراوە.
ئەوەشی خستەڕوو، دەروازەی سنووریی مێهران تا ئێستاش دەروازەیێکی کراوەیە و بەردەوامە لە چالاکییە بازرگانییەکانی، هاوکات، وەک گرتنەبەری رێکاری تەندروستی بۆ رێگری کردن لە بڵاوبوونەوەی ڤایرۆسی کۆرۆنا ئەو دەروازەیە و دەروازە سنورییەکانی دیکەی نێوان ئێران و عێراق بەڕووی گەشتیاراندا داخراوە.
سەرچاوە: NRT
کۆدی هەواڵنێر: 60113
بۆچوونی بەکارهێنەران