ڕۆحانی: ئاسایشی عێراق بە ئاسایشی خۆمان دەزانین/بەرهەم ساڵح: حکوومەتی عێراق ڕژدە لەسەر جێبەجێ کردنی ڕێککەوتنەکانی لەگەڵ ئێران
بەپێی هەواڵی کوردپرێس، ئەمڕۆ چوارشەممە حەسەن رۆحانی، سەرۆک کۆماری ئێران و بەرھەم ساڵح، سەرۆک کۆماری عێراق لەمیانی پەیوەندییێکی تەلەفۆنییەدا باسیان لە پەیوەندییە ھاوبەشەکانی نێوان ھەردوو وڵات کرد و جەخت کرایەوە لە پێویستی بەھێزکردنی پەیوەندییەکان لە سەرجەم بوارەکاندا، بەجۆرێک خزمەت بە ھەردوو گەلی ئێران و عێراق بکات، ھەروەھا باس لە دوا گۆڕانکاری و پێشھاتەکانی ناوچەکە کرا.
هاوکات جەختیش کرایەوە لە گرنگیی کەم کردنەوەی ئاستی گرژییەکانی ناوچەکە و پابەندبوون بە دیالۆگ و گفتوگۆ بۆ یەکلای کردنەوەی کێشە هەڵپەسێردراوەکان و پێویستی هەماهەنگی بۆ رووبەڕووبوونەوەی ئاڵنگارییە جیاوازەکان بەتایبەت پەتای کۆرۆنا و کارکردن بۆ سنووردار کردن و کەم کردنەوەی لێکەوتەکانی لەسەر تەندروستیی و ئابووری و چەسپاندنی ئاسایش و سەقامگیری لە ناوچەکەدا.
لە کۆتایشدا باس لە پەیوەندییە ھاوبەشەکانی نێوان ھەردوو وڵات کرا و جەخت کرایەوە لە پێویستی بەھێزکردنی پەیوەندییەکان لە سەرجەم بوارەکاندا.
کۆدی هەواڵنێر: 60113
بۆچوونی بەکارهێنەران