بە مەبەستی پاکردنەوەی کامپی هۆڵ لە ئەندامانی داعش، هێزە کوردەکانی سووریا بەرداوامن لە ئۆپەراسیۆنەکانیان
بەشی سووریا- ئۆپەراسیۆنی ئاسایشی مرۆیی لە کامپی هۆڵ لە دژی تیرۆرستانی داعش دەستیپێکردووە، بۆ ڕۆژی شەشەم بەردەوامە.
بەپێی هەواڵی کوردپرێس، هێزەکانی ئاسایشی ناوخۆ و هێزەکانی سووریای دیموکرات بە مەبەستی پاککردنەوەی کامپی هۆڵ لە تیرۆرستانی داعش لە ڕۆژی ٢٨ی مانگی ڕابردوووە ئۆپەراسیۆنی "ئاسایشی مرۆیی"یان لە کامپی هۆڵ دەستپێکرد و ئەمڕۆ لە شەشەم ڕۆژدا بەردەوامە.
هێزەکانی ئاسایشی ناوخۆ لە ڕاگەیەنراوێکدا بڵاوی کردەوە، کە لە پێنج ڕۆژی ڕابردوودا، زیاتر لە ٧٠ ئەندامی داعش دەستگیرکراون، کە گەورە تیرۆرستێک و ئەمیریان لەناودایە، هەروەها تا ئێستا بڕێکی زۆر مۆبایل، لاپتۆپ، گولـلە و جلوبەرگ و کەرەستەی سەربازیی و تەقەمەنیی دەستیان بەسەردا گیراوە.
یەکینەکانی دژە تیرۆر شەوی ڕابردوو لە هەڵمەتێکدا لە چوارچێوەی هەمان ئۆپەراسیۆندا، هەشت چەتەی داعشیان دەستگیرکرد، کە لەناویاندا گەورە تیرۆرستی دووەمی داعش بە ناوی (قوسەی نایف- ئەبو گەرار) هەیە.
سەرچاوە: خەڵک
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران