کشانەوەی ئەمریکا لە سووریا کارەساتێکی تر بۆ کوردەکان دەخولقێنێت
کوردپرێس:
دارین خەلیفە توێژەری دەستەی نێودەوڵەتیی قەیران هۆشداریی ئەوەی داوە کە بە شێوەی نافەرمی هێزە کوردییەکانی سووریا و دەوڵەتی تورکیا لە شەڕدان و ئەگەر هێزە ئەمریکییەکان لە ناوچەی ژێردەسەڵاتی کوردی سووریا بکشێنەوە کارەساتێکی تر بۆ کورد دروست دەبێت.
ناوبراو بە گۆڤاری کریستییەن ساینس مانیتۆری وتووە: هەر بەو بۆنەیەوە کشانەوە لە سووریا بۆ ئەمریکییەکان بۆتە کێشەیێکی گەورە.
دارین خەلیفە زیادیشی کردووە: بەو حاڵەشەوە دۆخی ئێستای کوردەکان باشترە لە وەزعی دەوڵەتی ناوەندیی سووریا چوونکە بە وتەی ناوبراو کوردەکان زیاتر سەرچاوەی ئاو و نەوتیان بە یارمەتیی ئەمریکا خستۆتە دەستی خۆیان.
عەبدولڕەحمان میسری توێژەری سووری لە ئەنجومەنی ئەتلەنتیکیش دۆخی وردەکان لە دەوڵەتی ناوەندیی سووریا باشتر دەزانێت و هۆکارەکەش بەوە دەزانێت کە ڕووسەکانیش هەستیان بە پێگەی کورد کردووە و سەرقاڵن بە پێکهێنانی هێزێکی کوردی لە باکووری خۆرهەڵاتی سووریا.
بۆچوونی بەکارهێنەران