ئەندامانی تیمێکی کوردەکانی عێراق لە ئیتاڵیا بە تۆمەتی گواستنەوەی نایاساییی پەنابەران دەستبەسەر کران
بەشی جیهان- پۆلیسی ئیتاڵیا تیمێکی 10 کەسیی دەستبەسەر کردووە کە زۆرینەیان هاووڵاتیی عێراقین و بە تۆمەتی گواستنەوەی نایاساییی پەنابەرانی کوردی سووریا بۆ ئەورووپا دەستبەسەر کراون.
کوردپرێس:
مایگرانت ئینفۆ لە هەواڵێکدا ڕایگەیاند پۆلیسی ئیتاڵیا ڕۆژی سێشەمەی ڕابردوو دە هاووڵاتیی بیانیی دەستبەسەر کردووە کە زۆربەیان کوردی عێراقن و تۆمەتەکەیان ئەوەیە کە دەستەی نایاسایییان پێکهێناوە و هاووڵاتییانی وڵاتانی خۆرهەڵاتی ناوەڕاستیان بۆ ئەورووپا گواستۆتەوە.
دەستبەسەرکراوەکان تۆمەتی ئەوەیان لێدراوە کە بەڵگەی ساختەیان دروست کردووە و پارەیان لە هاووڵاتییانی وڵاتانی ڕۆژهەڵاتی ناوەڕاست وەرگرتووە کە زۆربەی ئەو هاووڵاتییانە کوردی سووریا بوون و بە نایاسایی لە گوازراونەتەوە بۆ زۆنی ئەورووپا.
تۆمەتبارەکان بە دروست کردنی بەڵگەی ساختە بڕی 2500 یۆرۆیان لە هاووڵاتییان وەرگرتووە و کاتێک ئەو کەسانەیان گەیاندۆتە یۆنان بەرەو ئیتاڵیایان بردوون بۆ ئەوەی لە دەرفەتێکی گونجاودا بیانگەیێننە وڵاتانی ئەورووپی.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران