ڕێبەری باڵای ئێران:
لایەنی بەرامبەر هەنگاو بۆ بەرجام هەڵبگرێت ئێمەش هەنگاوی بۆ هەڵدەگرین
بەشی ئێران- ڕێبەری باڵای شۆڕشی ئیسلامیی ئێران جەختی کردەوە: لایەنی بەرامبەر هەنگاو بۆ بەرجام هەڵبگرێت ئێمەش وەڵامی دەدەینەوە و هەنگاوی بۆ هەڵدەگرین.
بەپێی هەواڵی کوردپرێس، ئایەتۆڵڵا عەلی خامنەیی ڕێبەری باڵای شۆڕشی ئیسلامیی ئێران لە ڕێوڕەسمی ڕێزگرتن لە شۆڕشی مێژووی 29ی ڕێبەندانی تەورێز ڕایگەیاند: ئازەربایجان قەڵای بەرگریی ئێران بووە هەمبەر هێرشی بیانییەکان.
ڕێبەری باڵای شۆڕش لەبارەی ڕێککەوتنامەی ئەتۆمی ئێران وتشی: ئێمە وتەدان و بەڵێنی باشمان زۆر بیستووە کە بە کردار لەلایەن لایەنی بەرامبەرەوە پێشێل کراوە و بە پێچەوانەی بەڵێنەکانیان هەنگاویان هەڵگرتووە.
ئایەتۆڵڵا خامنەیی جەختی کردەوە: چیتر وتەدان سوودی نییە و بەڵێنیش بەکار نایەت، ئەمجارە کاتی هەنگاوی کرداریە؛ ئەگەر لایەنی بەرامبەر کاری بۆ بکات ئێمەش بەکردار هەنگاوی بۆ هەڵدەگرین.
کۆدی هەواڵنێر: 60113
بۆچوونی بەکارهێنەران