پێویستە کاری ڕێکخستنەوە لە سنووری حاجی ئومەران بکرێت
کوردپرێس:
ڕۆژی چوارشەمە 17ی بەفرانباری 1399 نادر سادقی بریکاری پارێزگاری ئازەربایجانی ڕۆژئاوا لە لێدوانێکدا ئاماژەی بە کێشەکانی دەروازەی سنووری حاجی ئومەران کرد و جەختیشی کردە سەر زەروورەتی ڕێکخستنەوەی سنوورەکە و چارەکردنی کێشەکانی هاتوچۆ و بازرگانی لەو سنوورە.
شایانی باسە ڕۆژی ڕابردووش کەمال حوسێنپوور نوێنەری پیرانشار وسەردەشت لە ئەنجومەنی نوێنەرانی ئێران ئاماژەی بە چالاکیی دوو کۆمپانیای ئابووری لە سنووری حاجی ئومەران کردبوو و گوتبووی ئەو دوو کۆمپانیایە چەندین ساڵ کاری بازرگانی لە سنوورەکە دەکەن بەڵام تا ئەم کاتەش هیچ پارەیێکیان بۆ ناوچەکە و خەڵکی ناوچەکە سەرف نەکردووە.
حوسێنپوور داوای شەفافسازیی لەو دوو کۆمپانیا ئابوورییە کردووە و ئەوەشی وتووە کە پێویستە ئەو دوو کۆمپانیایە بەشێک لە داهاتەکانیان بۆ هاووڵاتییانی ناوچەکە و کاری ئابووری و ڕەخساندنی هەلی کار سەرف بکەن.
بۆچوونی بەکارهێنەران