جادەی سەرەکیی ئیلام-مێهران بۆ ماوەی 15 ڕۆژ دادەخرێت
بەشی ئیلام- سەرۆکی پۆلیسی هاتوچۆی پارێزگای ئیلام ڕایگەیاند بەبۆنەی ئەنجامدانی کاری ئاوەدانکاری جادەی سەرەکیی ئیلام بەرەو مێهران بۆ ماوەی 15 ڕۆژ دادەخرێت.
کوردپرێس:
ڕەزا هیمەتی زادە سەرۆکی پۆلیسی هاتوچۆی پارێزگای ئیلام ڕایگەیاند بەبۆنەی ئەنجامدانی کاری ئاوەدانکاری جادەی سەرەکیی ئیلام بەرەو مێهران لە سەرەتای جادەکەوە تا دووڕێیانی پێشوو و نوێی ساڵحئاوا بۆ ماوەی 15 ڕۆژ دادەخرێت.
ناوبراو زیادی کرد: جادەکە لە کاتژمێر 7ی بەیانیی ڕۆژی دووشەمە 15ی بەفرانبارەوە بۆ دووشەمە 29ی بەفرانبار بۆ ماوەی 15 ڕۆژ داخراو دەبێت و هاوڵاتییان دەتوانن لەجیاتی ئەم جادەیە، جادەی لاوەکیی ئیلام سەرتاف ماربرە ساڵحاوا یان خود جادەی مەلەکشایی ترشابە مێهران بەکار بهێنن.
بۆچوونی بەکارهێنەران