تورکیا تیرۆر کردنی زانا ئەتۆمیەکەی ئێران ئیدانە دەکات
بەشی تورکیا- وەزارەتی دەرەوەی تورکیا لە بەیاننامەیێکدا ئاماژەی بە تیرۆری زانای ئەتۆمیی ئێران دا و ئەو جەنایەتەی ئیدانە کرد.
بەپێی هەواڵی کوردپرێس، وەزارەتی دەرەوەی تورکیا لە بەیاننامەیێکدا ئاماژەی بە تیرۆر و شەهید بوونی زانای ئەتۆمیی ئێران موحسێن فەخریزادە کرد و ڕایگەیاند: "زۆر نیگەرانین بە گیان لەدەست دانی زانای ئەتۆمی ئێران بەهۆی هێرشی چەکدارییەوە لە تاران. ئەم جەنایەتە قیزەونە ئیدانە دەکەین و سەرەخۆشیی لە حکوومەتی ئێران و بنەماڵەی کۆچکردوو دەکەین".
لە درێژەی بەیاننامەکەدا هاتووە: هەر بەم بۆنەوە هیوادارین هێرشبەران بە زووترین کات بدۆزرێنەوە و ڕادەستی دەزگای داد بکرێن و سزا بدرێن. داوا لە هەموو لایەنەکان دەکەین دان بەخۆیاندا بنێن و ڕێگری لە سەرهەڵدانی گرژی لە ناوچەکەدا بکەن.
کۆدی هەواڵنێر: 60113
بۆچوونی بەکارهێنەران