ئەندامێکی ENKS:
لە کۆبانێ هێرش کرایە سەر بارەگایەکی پارتی دیموکراتی کوردستانی سووریا
بەشی سووریا- ئەندامێکی دەستەی سەرۆکایەتیی ئەنەکەسە دەڵێت، لەکاتێکدا سەرقاڵی رێوڕەسمێک بوون لە بارەگایەکی پەدەکەسە، گەنجانی شۆڕشگێڕ هێرشیان کردووەتە سەر، نووسینگەکەیان.
بەپێی هەواڵی کوردپرێس، تەلەفزیۆنی ڕووداو بڵاوی کردەوە ڕووداوەکە ئەمڕۆ هەینی، ۰۱-۰۳-۲۰۲۴، کاژێر ۱۰:۰۰ـی بەیانی لە شاری کۆبانێ پێش دەستپێکردنی رێوڕەسمەکە، لە بارەگای پارتی دیموکراتی کوردستان، سووریا- پەدەکەسە ڕوویداوە.
سلێمان ئۆسۆ، ئەندامی دەستەی سەرۆکایەتیی ئەنجوومەنی نیشتمانیی کورد لە سووریا لەمبارەوە بە تۆڕی میدیایی ڕووداوی ڕاگەیاندووە: "هێرشەکە لەلایەن جوانێن شۆڕشگێڕەوە کراوە، ئاگر لە بارەگاکەمان بەردراوە".
بەگوتەی سلێمان ئۆسۆ، بەهۆی هێرشەکەوە برینداریان هەیە و زیان بە ژمارەیەک ئۆتۆمبێلیشیان گەیێندراوە.
تاوەکو ئامادەکردنی ئەم هەواڵە، جوانێن شۆڕگێڕ لە رۆژئاوای کوردستان و میدیاکانی نزیک لە بەڕێوەبەرایەتیی خۆسەر هیچ روونکردنەوە و زانیارییەکان بڵاونەکردووەتەوە.
#ڕۆژاوا
#کوردپرێس
#کورد
#کوردستانی سووریا
#پارتی دیموکراتی کوردستانی سووریا
#پەدەکەسە
#ناوەندی گەنجانی شۆڕشگێڕ
#ئەنەکەسە
#ئەنجومەنی نیشتمانیی کورد لە سووریا
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران