ئەمینداری گشتیی یەکگرتووی ئیسلامیی کوردستان:
پێشوازی ئەکەین لە بریارە مێژوییەکانی کۆنگرەی ۱۲ی PKK
سەلاحەدین محەمەد بەهائەدین ئەمینداری گشتیی یەکگرتووی ئیسلامیی کوردستان لەبارەی خۆهەڵوەشاندنەوەی پەکەکە پەیامێکی بڵاو کردەوە.
بەپێی هەواڵی کوردپرێس، ئەمینداری یەکگرتوو لە پەیامەکەیدا دەڵێت: بە ڕێز و نرخاندنەوە پێشوازی لەبریارە مێژوییەکانی کۆنگرەی ۱۲ی پارتی کرێکارانی کوردستان ئەکەین.
ناوبراو دەشڵێت: ئەمڕۆ ڕۆژێکی مەزنی گەلی کوردستانە کە ئەبێتە سەرەتای قۆناغێکی گرنگ لەمێژوی خەباتی گەلەکەمان.
ناوبراو ڕاشیگەیاند: ئاستی تێگەیشتن لەدۆخەکان و خوێندنەوەی هاوکێشەکان گەیشتوەتە ئەوەی ئاڵای پێکەوە ژیان وبرایەتی و ئاشتی گەلان و چەسپاندنی مافەکان لەناوچەدا هەڵكرێ و کۆتایی بەدەورانی دژواری چەک و دژایەتی نەتەوەیی بهێنرێ.
سەلاحەدین بەهائەدین دەشڵێت: پیرۆزبێ و دەستخۆشی لە هەموو ئەوانەی لەم ئاشتیەدا رۆڵیان بووە، بەهیوای سەرکەوتنی هەنگاوە تەواوکاریەکان و لاپەرەیێکی نوێ لە ماف و ئەرک.
#تورکیا
#کوردپرێس
#کورد
#کوردستان
#خۆهەڵوەشاندنەوەی پەکەکە
#پەکەکە
#یەکگرتووی ئیسلامیی کوردستان
#سەلاحەدین بەهائەدین
#ئەمینداری گشتیی یەکگرتووی ئیسلامی
#کورد و تورک
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران