تەلڕەفعەت داگیر کرا/ تەحریری شام داوای کشانەوەی هێزە کوردییەکان دەکات
چەکدارانی دەستەی تەحریری شام شاری تەلڕەفعەت و چەند گوندێکی دەوروبەریان لە باکووری حەلەب داگیر کرد.
بەپێی هەواڵی کوردپرێس، ڕوانگەی سووری بۆ مافەکانی مرۆڤ لە ڕاگەیەندراوێکدا ئاماژەی بەوەکرد، چەکدارانی تەحریری شام شاری تەلڕەفعەتیان لە باکووری حەلەب داگیرکرد و مەترسی هەیە کۆمەڵکوژی بەرامبەر هاوڵاتییانی سنوورەکە ئەنجام بدەن، کە زۆرینەیان بەڕەچەڵەک کوردن.
ڕوانگەی سووری ئەوەشی خستەڕوو، ئەو چەکدارانە هاوڵاتییانی کورد لە ناوچەکە گەمارۆ دەدەن و رێگری دەکەن لەوەی ناوچەکانیان بەجێبهێڵن و بچنە شوێنێکی ئارام.
بە پێی راگەیەندراوەکە، چەکدارانی تەحریر شام تاکوو ئێستا شاری تەلڕەفعەت و گوندەکانی شوارغە، مەنغ، مەڕعناز، کەفەرنایا، شێخ عیسا، دێر جەمام و عێن دقنەیان داگیرکردووە، هاوکات چەند گوندی دیکەیان گەمارۆ داوە.
#سووریا
#کوردپرێس
#کورد
#کوردستان
#حەلەب
#هەسەدە
#یەپەگە
#گرووپە چەکدارەکان
#هێزە کوردەکان
#تەلڕەفعەت
#شەڕی سووریا
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران