ئەمڕۆ شاندی هەرێم و حکوومەتی عێراق لەبارەی پرسی مووچە و بوودجە کۆ دەبنەوە
بەشی عێراق و هەرێمی کوردستان- دوێنێ شاندی هەرێم گەیشتە بەغدا و بڕیاریشە ئەمڕۆ لەگەڵ حکوومەتی عێراقدا لەبارەی پرسی مووچەی فەرمانبەران و بوودجەوە کۆ ببنەوە.
بەپێی هەواڵی کوردپرێس، ئەمڕۆ کۆبوونەوەکانی شاندی هەرێم لەگەڵ حکوومەتی فیدراڵی لەبارەی هەموارکردنەوەی یاسای بوودجە و چارەسەرکردنی کێشەی مووچەی فەرمانبەرانی هەرێمی کوردستان دەستپێدەکات.
لەمبارەوە وەزارەتی دارایی و ئابووری هەرێم ڕایگەیاند، شاندەکەی هەرێم لە بەغدا لەسەر پرسەکانی مووچەی فەرمانبەران و هەمواری یاسای بوودجە و یاسای نەوت و گاز و چارەسەرکردنی گرفتەکانی بەردەم هەناردەکردنەوەی نەوتی هەرێم گفتوگۆ لەگەڵ لایەنی عێراقیدا دەکەن.
وتەبێژی حکوومەتی هەرێمیش ڕایگەیاندووە، هەرێم دەیەوێت لەگەڵ بەغدا بگەنە چارەسەری کۆتایی لەسەر پرسەکانی نیوانیان.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران