فەرماندەی گشتیی SDF:
بۆردوومان کردنی ژێرخانەکانی کوردستانی سووریا لەلایەن تورکیاوە تاوانی جەنگییە
بەشی سووریا- فەرماندەی گشتیی هێزەکانی سووریای دیموکرات داوای لە کۆمەڵگەی نێودەوڵەتی کرد کە هێرشەکانی تورکیا ڕابگرن.
بەپێی هەواڵی کوردپرێس، مەزڵووم کۆبانێ لە پۆستێکدا لەسەر تۆڕی کۆمەڵایەتیی ئێکس ڕایگه‌یاندووه: دەستدرێژی تورکیا ئەمڕۆ گۆڕانێكی مەترسیداری بەخۆیەوە بینیوە، بە فراوان‌کردنی بۆردوومانی ژێرخان و دامەزراوە مەدەنییەکان لە كوردستانی سووریا.
ناوبراو ئاماژەی بەوەش کردووه، ئەم پێشهاتە زیانێکی گەورە بە هاوڵاتیانی مەدەنی دەگەیەنێت و ئاماژەیە بۆ گرتنەبەری سیاسەتێکی نوێی له‌ناوبردن.
مەزلوم عەبدی پێی‌وایه بۆردوومانه‌كان سەقامگیری ناوچه‌كه تێکدەدات و مەترسییەکانی سنوور بەزاندن زیاد دەکات. داواش لە تورکیا ده‌كات سەرنجی لەسەر پرسە ناوخۆییەکانی خۆی بێت و لە سنوورەکانی خۆیدا چارەسەریان بکات.
بۆچوونی بەکارهێنەران