سەرۆکی جووڵانەوەی نەوەی نوێ :
پێویستە جەنگی نامرۆڤانەی ئیسرائیل لەدژی غەززە ڕابگیردرێت
بەشی عێراق و هەرێمی کوردستان- سەرۆکی جووڵانەوەی نەوەی نوێ هەڵوێستی خۆی لەبارەی هێرشەکەی سەر نەخۆشخانەی ئەلمعەمدانییەی غەززە راگەیاند.
بەپێی هەواڵی کوردپرێس، شاسوار عەبدولواحید سەرۆکی جووڵانەوەی نەوەی نوێ رایگەیاند، لێرەوە هیچمان لەدەستنایەت جگە لە ئیدانەی ئەو هێرشە نامرۆڤانەیەی سەر نەخۆشخانەی غەززە.
باسی لەوە شکردووە، "ئەو کارە کارێکی نائەخلاقی و تەنانەت دوورە لە هەموو یاساکانی جەنگەوە."
دەشڵێت، پێویستە تەواوی کۆمەڵگای نێودەوڵەتی هەوڵبدەن دەستبەجێ ئەو جەنگە نامرۆڤانەیە رابگرن و کۆمەکی مرۆیی بگەیەننە غەززە.
شایانی باسە شەوی رابردوو، سوپای ئیسرائل بۆردوومانی نەخۆشخانەی ئەلمعەمدانییەی لە غەززە کرد و بەهۆیەوە زیاتر لە ٥٠٠ کەس گیانیان سپارد.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران