وتەبێژی هەسەدە:
ئەگەری هێرشی بەربڵاوی تورکیا بۆسەر کوردستانی سووریا لە ئارادایە
بەشی سووریا- وتەبێژی هێزەکانی سووریای دیموکرات هەسەدە رایگەیاند، ئەگەری هێرشی سەربازی تورکیا بۆ سەر کوردستانی سووریا هەیە.
بەپێی هەواڵی کوردپرێس، فەرهاد شامی وتەبێژی هێزەکانی سووریای دیموکرات هەسەدە بۆ کەناڵی رووناهی رایگەیاندووە: ئەگەری هێرشی سەربازیی تورکیا سەرلەنوێ بۆ سەر کوردستانی سووریا هەیە، رەنگە لەهەر ساتێکدا بێت هێرش دەستپێبکات.
فەرهاد شامی راشیگەیاند هێزەکانی هەسەدە لە ئامادەباشیدان و هەموو ئامادەباشییەک بۆ هەر هێرشێک کراوە.
هەفتەی ڕابردوو سوپای تورکیا بە چڕی بۆردوومانی ناوچەکانی شەهبا و منبج و عەین عیسای کرد و بەهۆیەوە قوربانی هەبوون.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران