237 حاڵەتی نوێی تووشبوون بە کۆرۆنا لە کوردستانی سووریا تۆمار کرا
بەشی سووریا- دەستەی تەندروستیی ئیدارەی خۆسەر ڕایگەیاند لە ماوەی 24 کاتژمێری ڕابردوودا 237 حاڵەتی نوێی تووشبوون بە کۆرۆنا تۆمار کراوە و سێ حاڵەتی گیان لە دەستدان بە ڤایرۆسەکەش دەستنیشان کران.
کوردپرێس:
جوان مستەفا هاوسەرۆکی دەستەی تەندروستیی ئیدارەی خۆسەری کوردستانی سووریا رایگەیاند: لەماوەی 24 سەعاتی رابردوودا 237 حاڵەتی نوێی توشبون بە ڤایرۆسی کۆڤید19 تۆمارکراوە، کە 124 پیاو و 113 ژنن.
ناوبراو راشیگەیاند: زۆرترین توشبوان بەمشێوەیەیە؛ 4212 لە رەققە، 38 لە قامیشلۆ، 36 لە دێرک و ئەوانی دیکەش حەسەکە و تەبقە و کۆبانێیە.
هاوسەرۆکی دەستەی تەندروستی گوتیشی: 27 توشبوی کۆرۆناش دوای وەرگرتنی چارەسەری پێویست چاکبونەتەو و سێ توشبویش گیانیانلەدەستداوە.
ئاماری گشتی کۆرۆنا لە رۆژئاوای کوردستان:
تووشبووان: 5484
چاکبوونەوە: 798
گیان لەدەستدان: 130
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران