دژە تیرۆری کوردستان ئیدعا دەکات حەشدی شەعبی هێرشی مووشەکیی کردۆتە سەر فڕۆکەخانەی هەولێر
بەشی عێراق و هەرێمی کوردستان- دەزگای دژە تیرۆری هەرێمى کوردستان ڕایگەیاند کە شەش مووشەک ئاڕاستەی هەولێر کراوە و دەشڵێت مووشەکەکان لە لایەن حەشدی شەعبییەوە هاویژراون.
کوردپرێس:
شەوی چوارشەمە لە سەر پێنجشەمە 30ی ئەیلوولی 2020 دەزگای دژە تیرۆری هەرێمى کوردستان رایگەیاند، شه‌ش موشه‌ک لەلایەن حەشدی شەعبییەوە لە پارێزگای مووسڵەوە ئاڕاستەی فڕۆکەخانەی هه‌ولێر كراون و هيچ زيانێكى لێنه‌كه‌وتووەتەوە.
ڕاگەیێندراوەکەی دژەتیرۆری کوردستان ئاماژەى بەوەش کردوە، کاتژمێر ٨:٣٠ خولەکی ئه‌مشه‌و له سنوورى گوندى شێخ ئه‌ميری سه‌ر به پارێزگاى نه‌ينه‌وا‌وە مووشەکەکان ئاڕاستە کراون.
هاوکات ڕوونی کردووەتەوە، مووشەکەکان دوور له فڕۆكه‌خانه له چۆڵه‌وانى كه‌وتنه خواره‌وه و دوو له‌و موشه‌كانه‌ش نه‌ته‌قيونه‌ته‌وه و هيچ زيانێكى لێ نه‌كه‌وتووەتەوە.
بۆچوونی بەکارهێنەران