حکوومەتی سووریا گرێبەستی نەوتی نێوان ئەمریکا و کوردستانی سووریای رەت کردەوە
بەپێی هەواڵی کوردپرێس، وەزارەتی دەرەوەی سووریا ئیدانەی ئەو ڕێککەوتنەی کرد، کە لەنێوان ئیدارەی خۆسەری کوردستانی سووریا و کۆمپانیایێکی ئەمریکیدا کراوە لەسەر بابەتی دەرهێنانی نەوت لەو ناوچەیە.
ئاژانسی فەرمی سووریا لەسەر زاری سەرچاوەیێک لە وەزارەتی دەرەوەی ئەو وڵاتە بڵاوی کردەوە، بەتوندی ئیدانەی ئەو رێککەوتنانە دەکەن کە لەنێوان هەسەدە و کۆمپانیایێکی ئەمریکی کراوە بۆ دزینی نەوتی سووریا، کە بە پاڵپشتی ئیدارەی ئەمریکا کراوە.
ئەوەش خراوەتەڕوو، ئەم ڕێککەوتنە دژایەتی کردنی سەروەریی وڵاتی سووریایە و دەبێتە هۆی ئەوەی ناوچە خاپوورکراوەکان نۆژەن نەکرێنەوە.
ئاماژەی بەوەش کراوە، سووریا بەهیچ شێوەیێک دان بەو ڕێککەوتنەدا نانێت و بە ڕێککەوتنێکی پڕپوچ و نا یاسایی مامەڵەی لەگەڵ دەکەن.
لە چەند ڕۆژی رابردوودا، کۆمپانیایێکی نەوتیی ئەمریکی گرێبەستی پەرەپێدان بە کێڵگە نەوتیەکانی کوردستانی سووریای لەگەڵ بەڕێوەبەرایەتیی خۆسەر واژۆ کرد.
کۆدی هەواڵنێر: 60113
بۆچوونی بەکارهێنەران