هاوپەیمانان هاوکارییە سەربازییەکانیان لەگەڵ کوردەکان زیاتر کردووە
بەپێی هەواڵی کوردپرێس، گۆڤاری سەربازیی بولغاریان میلیتاری ڕایدەگەیێنێت: لەچەند مانگی ڕابردوودا هاوکاریی هاوپەیمانان بۆ شەڕی داعش بەتایبەت هێزە ئەمریکییەکان لەگەڵ هێزەکانی سووریای دیموکرات بەڕێژەیێکی بەرچاو زیادی کردووە لەوان مەشق و ڕاهێنانی سەربازیی ئەم دواییە لە چیاکانی عەبدولعەزیز لە سووریا بووە.
گۆڤارەکە هەروەها لە گۆڤاری کراسیانا وسنا-وە دەگێڕێتەوە کە مەشقی سەربازیی هاوبەش لەنێوان هێزە کوردەکان و هاوپەیمانان 9 ڕۆژی خایاندووە کە لەو ڕاهێنانەدا نوێترین تەکتیکە سەربازییەکان فێری هێزە کوردییەکان کراوە.
سەرچاوە سەربازییەکان بەم گۆڤارەیان وتووە هێزەکانی ئەمریکا و فەڕەنسا نوێترین تەکتیکە سەربازییەکانیان فێری کوردەکان کردووە بۆ بەرگری کردن لە خۆیان و هەروەها فێری تەکتیکی هێرش بردنیان کردوون.
بەگوێرەی ئەم ڕاپۆرتە نزیک لە 200 هێزی سەربازیی فەڕەنسی لە ڕاهێنانی نێوان هێزەکانی ئەمریکا و کوردەکاندا بەشدارییان کردووە.
کۆدی هەواڵنێر: 60113
بۆچوونی بەکارهێنەران