نووسینی تێزی ماستەر و دوکتۆری بە زمانی کوردی لە بەشی زمان و وێژەی کوردی قەدەغە کرا
بەشی تورکیا- بەگوێرەی زانیارییەکان نووسینی تێزی ماستەر و دوکتۆری بە زمانی کوردی لە بەشەکانی زمان و وێژەی کوردی لە زانکۆکانی تورکیا قەدەغە کرا.
کوردپرێس:
سەلیم تەمۆ نووسەرێکی کوردی تورکیا لە لێدوانێکدا ڕایگەیاند نووسینی تێزی ماستەر و دوکتۆری بە زمانی کوردی لە بەشی زمان و ئەدەبی کوردیی زانکۆکانی تورکیا قەدەغە کراوە.
تەمۆ لە ئەکاونتی تویتەرەکەی نووسیویەتی لە زەبشی زمان و وێژەی کوردی لە زانکۆکانی تورکیا هەموو وانەکان کراوەتە زمانی تورکی و کراوەتە یاسا.
ناوبراو نووسیویەتی چەندین جار ئەم شتەم ڕاگەیاندووە و ڕەفتاری خراپ بەرانبەر بە زمانی کوردی هەمیشە بەردەوام بووە. ئێستاش نووسینی تێزی ماستەر و دوکتۆری بە زمانی کوردی قەدەغە کراوە و هەموو وانەکانی بەشی زمان و ئەدەبی کوردی کراوەتە زمانی تورکی. پڕۆژەی نیشتمانی و نەتەوەیی ئەمەیە.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران