دەروازەی سنووری خەسرەوی بۆ هاتوچۆی هاووڵاتییانی عێراقی کرایەوە
بەشی کرماشان- بەڕێوەبەری دەروازە سنووری و گومرگییەکانی کرماشان لە لێدوانێکدا بە کوردپرێسی ڕاگەیاند پاش ڕاگۆڕینەوەی زۆر لەگەڵ لایەنی عێراقی بڕیار درا هاتوچۆی هاووڵاتییانی عێراقی لە دەروازەی سنووری خەسرەویی کرماشانەوە دەست پێبکاتەوە.
کوردپرێس:
ڕۆژی یەکشەمە یەکەمی پووشپەڕی 1399ی هەتاوی خەلیل حەیدەری بەڕێوەبەری گومرگی پارێزگای کرماشان لە لێدوانێکدا بە هەواڵنێری کوردپرێسی ڕاگەیاند هاتوچۆی گەشتیاران و هاووڵاتییانی عێراقی لە دەروازەی سنووری خەسرەویی کرماشانەوە دەستی پێکردەوە.
حەیدەری گوتیشی لە سەرەتای بڵاوبوونەوەی کۆرۆناڤایرۆسەوە هاتوچۆی هاووڵاتییان لە دەروازە سنوورییەکانی نێوان عێراق و ئێران قەدەغە کرا و تا ئەم کاتە سنوورەکان بۆ هاتوچۆی هاووڵاتییان داخرابوون.
بە وتەی بەڕێوەبەری گومرگەکانی کرماشان، ڕاگۆڕینەوە و گفتوگۆی چڕ کراوە لە سەر کرانەوە سنوورەکان و ئێستاش کرانەوەی مەرزی خەسرەوی ئاسانکاری بۆ ئەو هاووڵاتییە عێراقییانە دەکات کە بە مەبەستی وەرگرتنی چارەسەری پزیشکی ڕوو لە ئێران دەکەن.
بۆچوونی بەکارهێنەران