672 حاڵەتی نوێی تووشبوون بە کۆرۆنا لە عێراق تۆمار کرا/ کۆی حاڵەتەکانی تووشبوون گەیشتە 8 هەزار و 840 حاڵەت
بەشی عێراق و هەرێمی کوردستان- وەزارەتی تەندروستی و ژینگەی عێراق رایگەیاند، لەماوەی 24 كاتژمێری رابردوو 672 حاڵەتی نوێی كۆرۆنا تۆماركراوە و بەوەش کۆی حاڵەتەکانی تووشبوون بە کۆرۆنا گەیشتە 8 هەزار و 840 حاڵەت و 15 حاڵەتی مردنیش هەبووە.
کوردپرێس:
شەوی پێنجشەمە 4ی جوونی 2020 وەزارەتی تەندروستیی عێراق لەبەیاننامەیێكدا دوایین ئامارەکانی لەبارەی کۆرۆناوە ڕاگەیاند و ئاماژەی بەوەكردووە، لە 24 کاتژمێری رابردودا 672 کەسی دیکە لە سەرانسەری وڵاتدا تووشی کۆرۆنا بوون، بەوەش کۆی گشتیی تووشبووان گەیشتووەتە 8 هەزار و 840 کەس.
بەیاننامەکەی وەزارەتی تەندروستیی عێراق باسی لەوەش كردووە، 15 کەسیش بەهۆی ڤایرۆسەکەوە گیانیان لەدەست داوە و کۆی گشتیی گیان لەدەستدان گەیشتوەتە 271 کەس.
بۆچوونی بەکارهێنەران