وەزارەتى ناوخۆى هەرێمی کوردستان:
رادەست کردنى تۆمەتبارانى داعش بەدەر لە میکانیزم و رێنماییەکان بووە
بەشی عێراق و هەرێمی کوردستان- وەزارەتى ناوخۆى هەرێم لەسەر رادەست کردنى ژمارەیێک چەکدارى داعش بە عێراق راگەیەنراوێکى بڵاو کردەوە.
کوردپرێس: لە راگەیەنراوێکدا وەزارەتى ناوخۆى حکوومەتى هەرێم نیگەرانىی خۆى لەسەر رادەست کردنى ژمارەیێک چەکدارى داعش بە حکوومەتى عێراق راگەیاند و جەختی کردەوە حکوومەتى هەرێم ئاگادارى رادەست کردنى ئەو چەکدارانە نییە لەلایەن یەکێتى نیشتیمانى کوردستان.
هەروەها ئاماژەى بەوەش کردووە، هاوئاهەنگی کردن لەگەڵ دەسەڵاتە فیدراڵییەکان میکانیزمى خۆی هەیە و جەختی کردەوە کە رادەست کردنى ئەو تۆمەتبارانە بەدەر لە میکانیزم و رێنماییەکان بووە.
کۆدی هەواڵنێر: 60113
بۆچوونی بەکارهێنەران