گومرگی هەرێم: ئەلەویەت بدرێت بە هاتنی خۆراک و پاکەمەنی و پێداویستیی پزیشکی
بەشی عێراق و هەرێمی کوردستان- بەڕێوەبەرایەتیی گشتیی گومرگی هەرێمی کوردستان نووسراوێک ئاڕاستەی دەروازە سنوورییەکان دەکات و داوا دەکات ئەولەویەت بدرێتە هاتنە ناوەوەی ئەو کۆنتێنەر و بارهەڵگرانەی کە خۆراک "تەڕە و وشکە"و پاکەمەنییەکان و پێداویستییە پزیشکییەکانیان بارکردووە.
کوردپرێس:
ڕۆژی یەکشەم ە29ی مارچی 2020 لە نووسراوێکی بەڕێوەبەرایەتیی گشتیی گومرگ هاتووە: لە پێناوی بەرژوەندیی گشتی و ئاسانکاریی خێرا گەیاندنی کاڵا و پێویستییەکان بۆ هاووڵاتیان لەم بارودۆخەی ئێستادا جەخت دەکەینەوە لەوەی ئەولەویەت بدرێت بە هاتنە ناوەوەی ئەو کۆنتێنەر و بارهەڵگرانەی کە خۆراک "تەڕە و وشکە"و پاکەمەنییەکان و پێداویستییە پزیشکییەکانیان بار کردووە.
لە نووسراوەکەی بەڕێوەبەرایەتیی گشتیی گومرگ کە داوای جێبەجێکردنی کراوە، تێیدا ئەوەش هاتووە، ئاسانکاری تەواو بکرێت و ئیجرائاتی گومرگیان بەزوویی بۆ ئەنجام بدرێت.
بۆچوونی بەکارهێنەران