لە کۆبوونەوەیێکدا کاریگەریی کۆرۆنا لەسەر نرخی نەوت و ئابووری هەرێمی کوردستان تاوتوێ کرا
بەپێی هەواڵی کوردپرێس، لە کۆبوونەوەکەدا کە قوباد تاڵەبانی جێگری سەرۆک وەزیران و ژمارەیێک لە وەزیرە پەیوەندیدارەکان ئامادەیبوون. گفتوگۆ دەربارەی دوایین پێشهاتەکانی دۆخی تەندروستی و پلانەکانی حکوومەت کرا، بۆ رووبەڕووبوونەوەی ڤایرۆسی کۆرۆنا و لێکەوتەکانی بۆ سەر ئابووری هەرێمی کوردستان و دابەزینی نرخی نەوت لە بازاڕەکانی جیهاندا.
سەرۆکی حکوومەت دەستخۆشی لە دامودەزگا پەیوەندیدارەکانی حوومەت کرد، کە هەموو توانای خۆیان خستووەتە گەڕ بۆ پاراستن و سەلامەتی هاووڵاتییان. جەختیشی لە دابین کردنی پێدوایستییەکانی رۆژانەی خەڵک بەتایبەتی خۆراک کردەوە.
لە کۆبوونەوەکەدا هەروەها تاوتوێی کارەکانی لیژنەی خۆراک و دەرمان کرا و جەختیش لە رێکخستنەوەی خەرجییەکان کرایەوە بۆ رووبەڕووبوونەوەی قەیرانی دارایی.
هەروەها ئاماژە بە گرنگیی بەردەوام بوونی پەیوەندی و هەماهەنگی لە گەل حکوومەتی فیدراڵی درا.
کۆدی هەواڵنێر: 60113
بۆچوونی بەکارهێنەران