وەزیری تەندروستیی تورکیا: بە هەموو توانامانەوە یارمەتیی خەڵکی ئێران دەدەین
بەشی تورکیا- وەزیری تەندروستیی تورکیا ئاماژەی بە بڵاوبوونەوەی ڤایرۆسی کرۆنا لە ئێران و وتی: کۆماری تورکیا بە هەموو توانایەوە یارمەتی خەڵکی ئێران دەدات.
بەپێی هەواڵی کوردپرێس، فەخرەدین کوچا وەزیری تەندروستیی تورکیا ئاماژەی بە بڵاو بوونەوەی ڤایرۆسی کرۆنا لە چەند شارێکی ئێران دا و ڕایگەیاند: لە شەوی ڕابردووەوە ڕێوشوێنی پێویستمان لەبارەی ئەو موسافیرە ئێرانییانەوە کە سەردانی تورکیایان کردووە گرتۆتە بەر.
ناوبراو وتیشی بۆ هەموو ئەو کەسانەی کە لە ئێرانەوە سەردانی تورکیا دەکەن پشکنینی سەلامەت دەکرێت و ئەوانەی کە نیشانەکانی ناخۆشییان هەیە ڕێگەیان پێنادرێت.
بەگوێرەی ڕۆژنامەی مللیەت فەخرەدین کوچا لە درێژەی وتەکانیدا وتیشی: دۆخەکە لە نزیکەوە چاودێری دەکەین و لەگەڵ بەرپرسانی ئێرانیی پێوەندیمان هەی. کۆماری تورکیا بە هەموو توانایەوە لەپاڵ خەڵکی ئێراندایە.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران