وەزیری بەرگریی تورکیا هێزەکانی سەر سنووری تورکیای لە خەتای بەسەر کردەوە
بەشی تورکیا- خلوسی ئاکار وەزیری بەرگریی تورکیا سەردانی پارێزگای خەتای کرد و هێزە سنوورییەکانی وڵاتەکەی لەو پارێزگایە بەسەر کردەوە.
بەپێی هەواڵی کوردپرێس، خلووسی ئاکار وەزیری بەرگریی تورکیا بە یاوەریی سەرۆک ئەرکانی هێزە چەکدارەکانی تورکیا و فەرماندەی هێزی زەوینیی سوپای تورکیا سەردانی پارێزگای خەتای کرد و بنکە سەربازییەکانیان لەو پارێزگایە بەسەر کردەوە.
بەگوێرەی ڕاپۆرتێکی تەلەفیزیۆنی NTV پاش سەرهەڵدانەوەی گرژییەکان لە ئیدلیب و ئامادەسازی تورکیا بۆ بەڕێوەبردنی ئۆپەراسیۆنی سەربازی لەو ناوچەیەدا، ئاکار لەسەردانەکەیدا بۆ پارێزگای خەتای وتی: هێزە چەکدارەکانی تورکیا ئەرکی سەرشانی خۆیان لە بەرامبەر میللەت بەجێهێناوە و ئێمە چ لە عێراق بێت و چ لە سووریا و لیبی یارمەتیی مەزڵوومان دەدەین.
کۆدی هەواڵنێر: 60113
بۆچوونی بەکارهێنەران