تەقینەوەیێک لە عەفرین ڕووی دا
بەشی سووریا- بەهۆی تەقینەوەی ئۆتۆمبێلێكی بۆمبڕێژكراوەوە لە شاری جەندرێس لە كانتۆنی عەفرین كەسێك كوژراو و ژمارەیێک هاووڵاتییش بریندار بوون.
کوردپرێس:
بەپێی هەواڵی میدیاكانی سووریا، نیوەڕۆی ئەمڕۆ سێ شەممە 23ی ئەیلول، ئۆتۆمبێلێكی بۆمبڕێژكراو لە یەكێك لە شەقامە سەرەكییەكانی شاری جەندرێس لە كانتۆنی عەفرین تەقیوەتەوە.
هەر بەپێی هەواڵەكە، بەهۆی تەقینەوەكەوە كەسێك كوژراوە و 11 كەسیش بریندار بوون، كە برینی هەندێكیان سەختە و ڕەوانەی نەخۆشخانە كراون.
ئاماژە بەوەش كراوە، كە زیانێكی زۆری ماددی بە خانوو و باڵەكانەكانی نزیك تەقینەوەكە گەیشتووە.
بۆچوونی بەکارهێنەران