چەکدارانی داعش لە خانەقین هێرشیان کردە سەر گوندێک
بەشی عێراق و هەرێمی کوردستان- لەماوەى 24 کاتژمێرى رابردوودا چەکدارانى داعش هیرشیان کردوەتە سەر گوندێکى سنوورى خانەقین و چەند ماڵێکیان تەقاندوەتەوە و 63 ئاژەڵیان کوشتووە.
کوردپرێس: یاسین ئازاد، ئەندامى مەڵبەندى خانەقینى یەکێتى نیشتیمانى کوردستان كە ئاگاداری رووداوەكەیە بە خەندان-ى راگەیاندووە: "چەکدارانى داعش لەماوەى 24 کاتژمێرى رابردوودا هەڵیان کوتاوەتە سەر گوندى عەلى سەباحى سنوورى خانەقین و دەسڕێژى گولـلەیان لە ژمارەیێک گامێش کردووە".
یاسین ئازاد وتیشی:"بەپێى داتاى ئەو ئەفسەرەى کە رۆشتوەتە ناوچەكە و لێكۆڵینەوەی لە رووداوەكە کردووە وتوویەتی چەکدارانى داعش 63 سەر گامێشیان کوشتووە".
ئەو هاوڵاتیەی دانیشتووی خانەقین راشیگەیاند:" داعش دوو خانووى تەقاندوەتەوە و سێ خانووى دیکەشى سووتاندوە".
ئاماژەی بەوەش كرد هێرشەکە زیانى گیانیى نەبووە بەڵام زیانێكی زۆری ماددی بەر ژمارەیێک لە هاوڵاتیانی ناوچەكە گەیشتووە.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران