موقتەدا سەدر پەیامێكی هۆشداری ئاراستەی حكوومەتی عێراق دەكات
بەشی عێراق و هەرێمی کوردستان- سەرۆكی رەوتی سەدر هۆشداری دەداتە حكوومەتی عێراق و داوا دەكات رێوشوێنی توند بگرێتەبەر و دەڵێت حكوومەت لە دەوڵەتی یاساوە بەرەو پاشاگەردانی دەڕوات.
بەپێی هەواڵی کوردپرێس، موقتەدا سەدر، سەرۆكی رەوتی سەدر، لە تویتێكدا لە هەژماری تایبەتی خۆی لە تۆڕی كۆمەڵایەتی تویتەر رایگەیاندووە: "الوداع یا موطنی - ماڵئاوا ئه‌ی نیشتمانم".
سەرۆكی رەوتی سەدر رایگەیاندووە "ئەو پەیامەی بۆ كۆتایی هاتنی حكوومەتی عێراق و گۆڕینی حكوومەت لە دەوڵەتی یاساوە بۆ دەوڵەتی پاشاگەردانی راگەیاندووە".
موقتەدا سەدر لە بەشێكی دیكەی تویتەكەیدا هۆشداری داوەتە حكوومەتی عێراق و دەڵێت ئەگەر رێوشێونی توند نەگرێتە بەر ئەو من بێبەری بوونی خۆم رادەگەیەنم.
کۆدی هەواڵنێر: 60113
بۆچوونی بەکارهێنەران