دەوریەی هاوبەشی ئەنجومەنی سەربازیی سرکانی و سوپای ئەمریکا دەستی پێکرد
بەشی سووریا- هێزەکانی سوپای ئەمریکا و هێزەکانی ئەنجومەنی سەربازیی سرکانی لە ناوچەی سرکانیی سووریا دەستیا بە دەوریەی هاوبەش کرد.
بەپێی هەواڵی کوردپرێس سەرچاوە خۆجێیییەکان باسیان لە دەستپێکردنی دەوریەی هاوبەشی سوپای ئەمریکا و هێزەکانی سرکانی لە ناوچەی سرکانیی سووریا کردووە.
ئەو دەوریە هاوبەشە بە 4 ئوتومبێلی سەربازیی ئەمریکا لە بنکەی سەربازیی هێزەکانی هاوپەیمانیی نێودەوڵەتیی دژەداعش و لە گوندی تەل ئەرقەمەوە دەست پێدەکات و 3 ئوتومبێلی سەربازیی هێزەکانی ئەنجومەنی سەربازیی سرکانییش تێیدا بەشدارن.
دەوریە هاوبەشەکەی هێزەکانی ئەمریکا و هێزەکانی ئەنجومەنی سەربازیی سرکانی لەو ناوچەیەدا ئەنجام درا کە تورکیا داوا دەکات وەک ناوچەی ئارام پێناسە بکرێت.
هێزە هاوبەشەکە سەرەتا بەرەو گوندی ئەبوو جرداد ڕۆیشتن و لە هێڵەکانی سرکانی دەوریەی هاوبەشیان ئەنجام دا. هەروەهاش ئەو دەوریە هاوبەشە لە گوندی موختەلە تا گوندەکانی خێربەت بەنات و تەل خەنزیر و مەبرووکە بەردەوام دەبێت.
بۆچوونی بەکارهێنەران