فڕۆکەکانی تورکیا دەورووبەری ئامێدی بۆردوومان دەکەن
بەشی عێراق و هەرێمی کوردستان- فڕۆکەکانی تورکیا پێگەکانی پەکەکە لە دەورووبەری قەزای ئامێدی بۆردوومان دەکەن و قایمقامی قەزاکەش دەڵێت: تاوەکوو ئێستا بۆردوومانەکە بەردەوامە.
کوردپرێس:
ئیسماعیل مستەفا، قایمقامی قەزای ئامێدی بە تۆڕی میدیاییی رووداوی راگەیاند، بۆردوومانەکە کاژێر یەکی دوای نیوەڕۆی ئەمڕۆ سێشەممە 30-7-2019 بووە و بەهۆیەوە دەورووبەری گوندەکە ئاگریان گرتووە.
بەگوتەی ئیسماعیل مستەفا، بۆردوومانەکە تاوەکوو ئێستا بەردەوامە و پەیوەندییان بە ئاگرکوژێنەوەی ئامێدی کردووە، گوایە بەهۆی بۆردوومانەوە ئاگر کەوتووەتەوە، بەڵام ناتوانن کۆنترۆڵی بکەن.
لەبارەی زیانی گیانیی بۆردومانەکەوە زانیاریی تەواو بڵاو نەکراوەتەوە.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران