دوو تۆمەتباری تەقینەوەکانی کەرکووک دەستگیرکران
بەشی عێراق و هەرێمی کوردستان- شانەی راگەیاندنی ئەمنیی عێراق ڕایگەیاند: دوو تۆمەتباری تەقینەوەکانی مانگی رابردووی کەرکووک شەوی پێنج شەممە لەلایەن ھێزە ئەمنییەکانەوە دەستگیرکران.
بەپێی هەواڵی کوردپرێس، شانەی راگەیاندنی ئەمنیی عێراق لە راگەیێنراوێکدا رایگەیاند: ئەو دوو تۆمەتبارە بەرپرسن لە چاندنی بۆمب لە شەوی ٣٠ی ئایاردا لە چەند شوینێکی کەرکووک کە بەھۆی تەقینەوەیانەوە دوو کەس کوژران و چەند کەسێکی دیکەش بریندار بوون.
یەکێک لە تۆمەتبارەکان خەڵکی سنووری ناحیەی ریازە و دانی بەوەداناوە کە بۆمبی لە شەقامی قودس و سەر رێگای بەغدا داناوە لەشەوی ٣٠ی حوزەیراندا، بە ھاوکاری تۆمەتبارێکی دیکە کە ئەویش دەستگیرکراوە.
شانەی راگەیاندنی ئەمنی باسی لەوەکردووە، ئەو دوو تۆمەتبارە سەر بە داعشن و لەدوای ساڵی ٢٠١٤ەوە کار لەگەڵ ئەو رێکخراوە دەکەن.
سەرچاوە: هاووڵاتی
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران