بە ناوەندگیریی ڕووسیا و تورکیا ئاگربڕ لە ئیدلیب ڕاگەیێندرا
بەشی سووریا- پاش چەندین خول ناوەندگیری کردنی ڕووسیا و تورکیا لە نێوان دەوڵەتی دیمەشق و سەربزێوانی سووریا، لە ئەنجامدا ئاگربڕ لە نێوان ئەو دوو لایەنە لە باکووری ئیدلیب ڕاگەیێندرا.
کوردپرێس:
میدیا ڕووسییەکان و میدیاکانی ناوچەکە ڕایانگەیاند ئاگربڕی نێوان دەوڵەتی دیمەشق و نەیارانی بەشار ئەسەد بە ناوەندگیریی تورکیا و ڕووسیا لە باکووری ئیدلیب ڕاگەیێندرا و ئاگربڕەکەش ئەو ناوچانە دەگرێتەوە کە پێشتر لە دانیشتنەکانی ئەستانەدا وەکوو ناوچەی داماڵراو لە چەک ناویان لێ برابوو.
هەروەهاش هەواڵەکان باس لەوە دەکەن کە لەو کاتەوە ئاگربڕەکە ڕاگەیێندراوە تەقە و پێکدادان لەو ناوچەیە تەواو کەم بۆتەوە.
تا ئێستاش باسی ئەوە نەکراوە کە ئاگربڕەکە تا کەی بەردەوام دەبێت بۆیە زانیاریی زیاتر دواتر بڵاو دەبێتەوە.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران