کوردێک دەبێتە شارەوانی ناحیەیێکی شاری لەندەن
کوردپرێس:
ماڵپەڕی سەر بە پارتی کرێکارانی بەریتانیا ڕایگەیاند ئیبراهیم دوغووش ئەندامێکی چالاکی ئەو حیزبەیە و پێشتر خۆی بۆ پەرلەمانی بەریتانیا کاندید کردبوو و ئێستا وەکوو شارەوانی ناوچەی "لمبس"ی لەندەن هەڵبژێردراوە.
ناوبراو شەوی ڕابردوو لە مەڕاسیمێکدا وەکوو شارەوانی نوێی ئەو ناوچەیە دەستنیشان کرا. ناوچەی "لمبس"ی لەندەن پرد و کۆشکی "لمبس" لە خۆ دەگرێت.
ئیبراهیم دوغووش شەوی ڕابردوو لە تۆڕی کۆمەڵایەتیی فەیسبووک و تویتەر نووسیی: من شەوی ڕابردوو وەکوو شارەوانی ناوچەی "لمبس" هەڵبژێردرام ئەوەش لە کاتێکدا من لەو شارە لە دایک نەبووم. من خەڵکی کوردستانی تورکیام و لە ترس شەڕ وەکوو پەنابەر هاتوومە لەندەن.
ناوبراو پێشتریش وەکوو بریکاری شارەوانی ئەو ناوچەیە کاری کردووە و ئەزموونی باشی وەرگرتووە. ناوچەی لمبسی لەندن حەشیمەتێکی 300 هەزار کەسی لە خۆ دەگرێت.
ئەو شارەوانە کوردە قەراری داوە ئەگەرچی کوردی دانیشتووی ناحیەی "لمبس" کەمن بەڵام خزمەتی باشیان بکات و جگە لەوەش خزمەتگوزارییەکانی تەنیا بۆ کورد نابێت بەڵکوو هەموو پێکهاتەیێکی دانیشتووی ناوچەکە دەگرێتەوە.
ئیبراهیم دوغووش خاوەنی ڕێستوورانێکە کە وەکوو یەک لە کارخولقێنە پێشکەوتووەکانی لەندەن ناسراوە.
بۆچوونی بەکارهێنەران