وەزیری بەرگریی ئێران: ترەمپ پەیڕەوی دەولی بە هیچ نازانێ و هەڕەشەیە بۆ ئاسایشی جیهان
بەپێی هەواڵی کوردپرێس فەریق حاتەمی وەزیری بەرگریی ئێران بە سەردانێکی فەرمی بە مەبەستی بەشداری کردن لە خولی هەشتەمی کونفڕانسی ئەمنیی مۆسکۆ سەردانی سووڕیای کرد و لە لێدوانێکدا ڕایگەیاند: لە کونفڕانسەکەدا وتار پێشکەش دەکەم و باسی ئەو ڕەهەندانە دەکەم کە پێویستە بۆ لێک نزیک کردنەوەی وڵاتان لەپێناو پاراستنی ئاسایشی ناوچەکە و جیهان بە هەند وەربگیرێن.
وەزیری بەرگریی ئێران گوتیشی ئەو خولەی کونفڕانسەکە بە بەشداریی 80 وڵاتی جیهان بەڕێوە دەچێت و دەرفەتێکی باشە بۆ باس کردن لەو مەترسییانەی هەڕەشە لە ئاسایشی کۆمەڵگەی دەولی دەکەن.
فەریق حاتەمی ئەوەشی ئاشکرا کرد کە بڕیارە لە پەراوێزی کونفڕانسەکەدا لەگەڵ وەزیرانی بەرگریی چەند وڵاتێک دیدار و کۆبوونەوەی هەبێت.
شایانی باسە خولی هەشتەمی کۆنفڕانسی ئەمنیی مۆسکۆ بە بەشداریی 80 وڵاتی جیهان ڕۆژانی 23 و 24ی نیسان لە وڵاتی ڕووسیا بەڕێوە دەچێت.
بۆچوونی بەکارهێنەران