بە حوکمی فەرمیی کۆمسیۆنی باڵای هەڵبژاردنەکانی تورکیا ئەحمەد تورک بوو بە شارەوانی ماردین
کوردپرێس:
ئەحمەد تورک سیاسەتوانی بەرجەستەی کورد لە هەڵبژاردنی شارەوانییەکانی تورکیا دەنگی یەکەمی هێنا و وەکوو پاڵێوراوی هەدەپە لە گەورەشاری ماردین سەرکەوت. پارتی دادوگەشەپێدانی تانەی زۆری لە ئەنجامی هەڵبژاردنەکان دا بەڵام هیچی پێ نەکرا و لە ئەنجامدا کۆمسیۆنی باڵای هەڵبژاردنەکانی تورکیا حوکمی فەرمیی بۆ ئەحمەد تورک دەرکرد و وەکوو شارەوانی گەورەشاری ماردین دەست بە کارەکانی دەکات.
ئەحمەد تورک لە خولی پێشووی هەڵبژاردنەکانیشدا بە دەنگی ڕاستەوخۆی هاووڵاتییان وەکوو شارەوانی گەورەشاری ماردین هەڵبژێردرابوو بەڵام لەلایەن وەزارەتی ناوخۆی تورکیاوە لەکار لادرا و بۆ زۆرینەی شارە کوردنشینەکانی تورکیا قەیوم دیاری کرا. لەم هەڵبژاردنی شارەوانییەکانیشدا کە 31ی ئازاری 2019 بەڕێوە چوو 56.24 لە سەدی دەنگەکانی مسۆگە کرد و بۆ جارکی دیکە بوو بە شارەوانی گەورەشاری ماردین لە باشووری خۆرهەڵاتی تورکیا.
بۆچوونی بەکارهێنەران