تووڕەیی زەیتوون تەقینەوەكەی عەفرینی گرتە ئەستۆ
بەشی سووریا- ژوری چالاكیەكانی توڕەیی زەیتوون تەقینەوەكەی عەفرینی گرتە ئەستۆ و رایگەیاند لەو تەقینەوەیەدا زیاتر لە 60 چەكداری توركیا و گروپە سوریەكانی سەر بە ئەنقەرە كوژراون و برینداربوون.
بەپێی هەواڵی کوردپرێس، لە راگەیێنراوێكدا كە ژووری چالاكیەكانی توڕەیی زەیتوون بڵاوی كردۆتەوە هاتووە: هێزەكانیان لە كاتی نمایشێكی سەربازیی توركیا و گرووپە توندرڕەوە سووریەكان لە عەفرین ئۆتۆمبێلێكی بۆمبڕێژكراویان تەقاندۆتەوە.
راشیگەیاندووە: بە هۆی ئەو تەقینەوەیە 25 چەكداری سەر بە توركیا كە چواریان ئەندامی میتن كوژراون و 36 ی تریش برینداربوون.
ژووری چالاكیەكانی تووڕەیی زەیتوون، باسی لەوەش كردووە، "تا پاکكردنەوەی عەفرین و ناوچەكانی تری باكووری سووریا لە داگیركاریی توركیا درێژە بە چالاكیەكانیان دەدەن".
سەرچاوە: ڕادیۆ نەوا
کۆدی هەواڵنێر: 60113
بۆچوونی بەکارهێنەران