دانیشتنە سێ قۆڵییەکەی سۆچی ئەمڕۆ بەڕێوە دەچێت

بەپێی هەواڵی کوردپرێس، مژاری سەرەکی لووتکەی ئەمجارەی نێوان ڕووسیا، تورکیا و ئێران پرسی دروست کردنی ناوچەی ئارامە لە باکووری سووریا، بڕیاریشە دوای لووتکەی سێقۆڵی، سێ سەرۆکەکە کۆبوونەوەی دوو قۆڵی بۆ تاوتوێی پەیوەندیی نێوانیان ئەنجام بدەن.

چاوەڕێ دەکرێت لە جێگەی ئەو کۆبوونەوەیەی بڕیاربوو لە ئەستانە لەنێوان لایەنەکانی حکوومەتی سووریا و ئۆپۆزیسیۆن و هەرسێ وڵاتی گەرەنتیکارەکە و نەتەوەیەکگرتووەکان ئەنجام بدرێت، لە سۆچی و لەو لووتکەیە بڕیاری کۆنکرێتی بدرێت، لەوانە بڕیار لەسەر پرسی دروست کردنی لیژنەی نووسینەوەی دەستووری نوێی سووریا بدرێت.

بڕیاریشە لەم لووتکەیەدا پرسی منبج و دروست کردنی ناوچەیێکی ئارام لە رۆژهەڵاتی فورات تاوتوێ بکرێت و تورکیاش خوازیارە لەو پرسە ڕووسیا پشتگیری بکات.

کۆدی هەواڵنێر: 60113