نوێترین مووشەکی ئێران بە ناوی "هوەیزە" نمایش کرا
بەشی ئێران/ کوردی- لە یادی 40 ساڵەی شۆڕشی ئیسلامیی ساڵی 1979(1357ی هەتاوی)، کۆماری ئیسلامیی ئێران نوێترین مووشەکی بەناوی "هوەیزە" نمایش کرد.
کوردپرێس:
بەگوێرەی هەواڵی ڕاگەیێندراوی میدیا ئێرانییەکان، فەریق ئەمیر حاتەمەی، وەزیری بەرگریی ئێران رایگەیاندووە: "بە مەودای هەزار و 300 کیلۆمەتر مووشەکەکە تاقی کراوەتەوە و کاتێکی کەمی پێویستە تا ئامادەی جەنگ بکرێت".
ئێران پەرەدان بە مووشەکەکانی بە هەڕەشە بۆ کەس نازانێت و سوورە لەسەر بەردەوامی‌دان بە پڕۆسەکە، بەڵام هەندێک لە وڵاتانی ئەورووپا و ئەمەریکا، پێی ناڕازین؛ ئەوەش بە وتەی وەزیری بەرگریی ئێران.
لە 01/02/1979، ئایەتوڵا خومەینی دامەزرێنەری شۆڕشی ئیسلامیی گەلانی ئێران لە فەرەنساوە گەیشتە تاران و دوای چەند رۆژێک، سەرکەوتنی شۆڕشی ئیسلامیی ئێرانی راگەیاند و هەموو ساڵێک لە 12ی ڕێبەندانەوە بۆ 22ی ڕێبەندان وەکوو یادەوەریی سەرکەوتنی شۆڕشی گەلانی ئێران بەرز ڕادەگیرێت.
کۆدی هەواڵنێر: 60101
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران