سەرۆک کۆمار:
هیچ وڵاتێکی زلهێز ناتوانێت زیان بە ئێران و گەلەکەمان بگەیێنێت
بەشی ئێران- سەرۆک کۆماری ئیسلامی ئێران رایگەیاند: وڵات تووشی گەورەترین فشاری ئابووری بۆتەوە بەهۆی گەمارۆکانی ئەمریکا بەڵام هیچ وڵاتێکی زلهێز لەوانەش ئەمریکا ناتوانێت زیان بە ئێران و گەلەکەی بگەیێنێت.
بەپێی هەواڵی کوردپرێس، لە کاتی نزیک بوونەوەی یادی شۆڕشی ئیسلامیی ئێران و لەسەر مەزاری ئیمام خومەینی، حەسەن ڕۆحانی سەرۆک کۆماری ئیسلامی ئێران ڕایگەیاند: رێککەوتنی ئەتۆمیی نێوان تاران و وڵاتانی ٥+١ کە ساڵی ٢٠١٥ ئیمزا کرا، گەورەترین شانازیی سیاسییە بۆ ئێران لەم سەدەیەدا و ئەو سەرکەوتنانەی کە وڵات لە بوارە جیاجیاکاندا و لەکاتی دانووستانەکاندا بەدەستی هێناون، هەرگیز لەناو ناچن.
ناوبراو وتیشی: لە ئێستادا ئێران رووبەڕووی گەورەترین فشار و گەمارۆی ئابووریی لەماوەی ٤٠ ساڵی رابردوودا بووەتەوە بەڵام بە پشتیوانی خوا و یەکڕیزی و هیوا بە داهاتوو کێشەکان تێدەپەڕێنن و هیچ وڵاتێکی زلهێز لەوانەش ئەمریکا ناتوانێت زیان بە گەل و حکوومەتی ئێران بگەیێنێت.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران