داوا لە عەبدولمەهدی دەکرێت بەدواداچوون بکات لەبارەی سەفەری چەند لێژنەیێکی عێراقی بۆ ئیسرائیل
بەشی عێراق و هەرێمی کوردستان- نوێنەری هاوپەیمانیی دەوڵەتی قانوون لە پەرلەمانی عێراق جەخت دەکاتەوە لەسەر گرنگایەتیی بەدواداچوونی عەبدولمەهدی بۆ سەفەری چەند لێژنەیێکی عێراقی بۆ ئیسرائیل.
بەپێی هەواڵی کوردپرێس، عالیە نوسەیف لە گفتوگۆ لەگەڵ ڕادیۆ مەربود-دا ڕایگەیاند: عادل عەبدولمەهدی، سەرۆک وەزیرای عێراق دەبێت پرسی سەردانی چەند دەستەی عێراقی بۆ ئیسرائیل جیددی بگرێت و چاوپۆشیی لێنەکات.
ناوبراو زیادی کرد: نوێنەرانی پەرلەمانی عێراقیش دەبێت هەندێک یاسا بۆ حکوومەتی فیدراڵ دابڕێژن تا دەوڵەت ملکەچی جێبەجێ کردنیان بێت.
نوسەیف وتیشی: سەردانی ئەو لێژنە عێراقییانە بۆ ئیسرائیل دەبێتە هۆی ئەوەی کە وڵاتانی ناوچەکە بیر لەوە بکەنەوە کە عێراق بەنیازە پێوەندییەکانی لەگەڵ ئیسرائیل ئاسایی بکاتەوە.
کۆدی هەواڵنێر: 60113
بۆچوونی بەکارهێنەران