نوێنەری هاوپەیمانیی چاکسازی لە پەرلەمانی عێراق:
دەوریەی سەربازە ئەمریکییەکان لە بەغدا سووکایەتی بە عێراقییەکانە
بەشی عێراق و هەرێمی کوردستان- نوێنەری هاوپەیمانیی چاکسازی لە پەرلەمانی عێراق دەڵێت: دەوریەی سەربازانی ئەمریکا هاوڕێ لەگەڵ فەرماندەی سیتادی ئۆپەراسیۆنی بەغدا لە شەقامێکی پێتەخت سووکایەتی کردنە بە عێراقییەکان.
بەپێی هەواڵی کوردپرێس، کەریم علیوی لە گفتوگۆ لەگەڵ هەواڵدەریی مەعلوومەدا ڕاشیگەیاند: دەورییەی هێزەکانی ئەمریکا بە هاوڕایی جەلیل رەبیعی فەرماندەی ئەرکانی ئۆپەراسیۆنی بەغدا لە شەقامی المتبنی بەغدا، سووکایەتییێکی گەورەیە بە عێراقییەکان و ئەم چەشنە کردارەی ئەمریکا پیشاندەری گەڕانەوەی داگیرکاری لە عێراقە.
علیوی وێڕای جەخت کردن لەسەر گرنگایەتیی جووڵەی ناوخۆیی و بیانی لە دژی ئامادە بوونی سەربازیی ئەمریکا لە عێراق، داوای لە عەبدولمەهدی کرد وەکوو عەبادی سەرۆک وەزیرانی پێشوو نەکات و تەسلیمی داخوازییەکانی ئەمریکییەکان نەبێت.
کۆدی هەواڵێنر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران