نوێنەرێکی پارتی: پارتی دەستبەرداری وەزارەتی دادی عێراق نابێت
بەشی عێراق و هەرێمی کوردستان- ئەندامێکی پەڕلەمانی عێراق لە پشکی پارتی دیموکراتی کوردستان وتوویەتی بە پێی ئەنجام و ئیستحقاقی ئینتخابی پۆستی وەزارەتی دادی عێراق پشکی پارتی دەبێت و ئەو حیزبەش دەستبەرداری ئەو پۆستە نابێت.
کوردپرێس:
بیار دۆسکی ئەندامی پەرلەمانی عێراق لە پشکی پارتی دیموکراتی کوردستان لەو بارەیەوە بە "بغداد الیوم"ی وتووە بەپێی ئەنجام و ئیستحقاقی ئینتخابی پۆستی وەزارەتی داد پشکی پارتییە و حیزبەکەشی واز لەو پۆستە ناهێنێت و داوای هەموو ئەو پۆستانەش دەکات کە پێشت بەر کورد کەوتبوو.
ناوبراو ئاماژەی بە وەزارەتە بەتاڵەکانی کابینەی عەبدولمەهدی کرد و ڕایگەیاند: پارتی لە مافی خۆی بۆ وەرگرتنی پۆستی وەزارەتی داد پاشەکشێ ناکات.
دۆسکی گوتیشی دەبێت هەموو ئەو پۆستانەی لە زەمانی دەسەڵاتی مالیکی و عەبادیدا لە کورد سندراونەتەوە دوبارە بدرێنەوە بە کورد کە سەرۆکایەتیی ئەرکانی سوپای عێراق و دوو دامەزراوی سەربەخۆ و ژمارەیێک جێگری وەزیر و مودیرعامی بوون.
بۆچوونی بەکارهێنەران