یونامى ساڵى نوێى 2019 له گه‌لى عێراق پیرۆز ده‌كات
به‌پێی هه‌واڵی کوردپرێس، نوێنه‌ری تایبه‌تی سکرتێری گشتیی نه‌ته‌وه یه‌کگرتوووه‌کان له عێراق له برووسکه‌یێکدا ساڵی نوێی 2019 له گه‌لی ئه‌و وڵاته پیرۆز ده‌کات كه ئه‌مه ده‌قه‌كه‌یه‌تی:
عێراق وڵاتێكی قه‌شه‌نگ و خاوه‌ن ڕابردوویێكی دێرین و فره‌ییێكی ده‌وڵه‌مه‌نده.
هه‌روه‌ها وڵاتێكه به هۆی ململانێكانه‌وه دووچاری ته‌نگ و چه‌ڵه‌مه و نه‌هامه‌تی بوووه‌ته‌وه.
له‌گه‌ڵ تێكشكانی داعش، كه‌شی بێ ئومێدی كۆتایی پێدێ و ڕێگای هیوا و گه‌شبینی داهاتوو ده‌كرێته‌وه.
چه‌ندان ده‌رفه‌تی مه‌زن هه‌یه بۆ عێراق. هه‌رچه‌نده ڕێگا به‌ره‌و سه‌قامگیری و خۆشگوزه‌رانی درێژخایه‌ن كه شایه‌نیه‌تی ڕێگایه‌كی سه‌خته. سه‌ره‌ڕای تێكشكانی سه‌ربازی، هێشتا داعش هه‌ڕه‌شه‌یه له سه‌ر ئاسایش.
تا ئێستاش نزیكه‌ی 8.1 ملیۆن ئاواره‌ی عێراقی ماون بۆ ئه‌وه‌ی به سه‌لامه‌تی و شكۆمه‌ندی بگه‌رێنه‌وه سه‌ر ماڵ و حاڵی خۆیان. چه‌ندان تۆن له چه‌ک و مادده‌ی نه‌ته‌قێنراوه له ناوچه ئازادكراوه‌كان په‌رش و بڵاو بوووه‌ته‌وه و چاوه‌ڕوانی هاوكارین.
عێراقییه‌كان داوای دابین كردنی خزمه‌تگوزاری و خوێندن و ده‌رفه‌تی كار و چاكسازیی ڕاسته‌قینه ده‌كه‌ن، هه‌روه‌ک مافی خۆیانه.
من بڕوای ته‌واوم هه‌یه كه‌وا عێراق له میانه‌ی پێداگیریی خه‌ڵكه‌كه‌ی به سه‌ر به‌ربه‌سته‌كان زاڵ ده‌بێت و به‌‌هێزتریش ده‌رده‌كه‌وێت.
نه‌ته‌وه یه‌كگرتوووه‌كان له ساته هه‌ره‌سه‌خته‌كانی عێراق یارمه‌تی وڵاته‌كه‌ی داوه و به‌رده‌وامیش ده‌بێت له یارمه‌تیدان.
جێگای شانازییه بۆ من، خزمه‌تی گه‌لی عێراق بكه‌م و له نزیكه‌وه‌ش له‌گه‌ڵ حكوومه‌تی عێراق كار بكه‌م وه‌ک نوێنه‌ری تایبه‌تی سكرتێری گشتیی نه‌ته‌وه یه‌كگرتوووه‌كان.
به بۆنه‌ی ساڵی نوێوه هیوای ته‌ندروستی و خۆشیی بۆ ئێوه و خۆشه‌ویستانتان ده‌خوازم.
سوپاس بۆ ئێوه.
سه‌رچاوه: Kurdistan TV
کۆدی هه‌واڵنێر: 60103
بۆچوونی بەکارهێنەران