له 24 كاتژمێرى رابردوودا 45 جار مۆڵگه‌كانى داعش بۆردومان كراون
بەشی عێراق و هەرێمی کوردستان- به‌رپرسی میحوه‌ری مه‌خموور گوێڕ دەڵێت فڕۆکە جەنگییەکانی هاوپەیمانان بە هەماهەنگی لەگەڵ پێشمەرگە بنکەکانی داعشيان لە چیای قەرەچووخ بۆردومان كرد.
بەپێی هەواڵی کوردپرێس، سیروان بارزانی، به‌رپرسی میحوه‌ری مه‌خموور گوێڕ رایگه‌یاند: له‌ماوه‌ی 24 كاتژمێری رابردوودا، هاوپەیمانی نێودەوڵەتی دژی داعش بە فڕۆکە و تۆپخانە، 45 جار بنکەکانی داعشیان له چیای قەرەچووخ له سنووری مه‌خموور بۆردومان كردووه.
ناوبراو زیادی کرد: لە ماوەی رابردوودا هاوپەیمانی نێودەوڵەتی بەهەماهەنگی لەگەڵ هێزی پێشمەرگە چەندین جار بنکەکانی داعشی لە سنووری شارۆچکەی مەخموور بۆردومان کردووە و دوێنێش هاوپه‌یمانان بنکەکانی داعشیان لە گوندی عەلیاوە لە دامێنی چیای قەرەچووخ بۆردومان کرد.
سەرچاوە: کوردستان 24
کۆد هەواڵنێر: 60113
بۆچوونی بەکارهێنەران