تەقینەوەی مین لە دیلوڕان کەسێکی کردە قوربانی
بەشی ئیلام- بەڕێوەبەری تەندروستیی شاری دیلوڕان وتی: مینێکی بەجێماوی سەردەمی شەڕی ئێران و عێراق لە ناوچەی "مووسیان"ی شاری دێلوڕان تەقییەوە و بەو هۆیەشەوە هاووڵاتییێکی ناوچەکە بە سەختی بریندار بوو.
کوردپرێس:
دوکتور ئەسەدوڵڵا موهاجیر بەڕێوەبەری تۆڕی تەندروستیی شاری دێلوڕان لەو باریەوە ڕایگەیاند: بە هۆی تەقینەوەی مینێکی بەجێماوی سەردەمی شەڕی ئێران و عێراق لە ناوچەی "مووسیان"ی شاری دێلوڕان پیرەپیاوێکی تەمەن 60 ساڵان لاقی پەڕی و تووشی برینی سەخت بوو.
ناوبراو گوتیشی دەستبەجی هێزەکانی سەرسنوور ئەو هاووڵاتییە بریندارەیان گواستەوە بۆ خەستەخانەی "دەشت عەباس" و پاش ئەوەی خزمەتگوزاریی سەرەتایی و فریاکەوتنی بۆ کرا گوازرایەوە بۆ نەخۆشخانەی "گەنجەویان"ی شاری دزفوول لە پارێزگای خووزستان.
*لە ئاژانسی هەواڵی فارس وەرگیراوە
بۆچوونی بەکارهێنەران