یه‌کێتی ده‌یه‌وێت پۆستی وه‌زاره‌تی دادی عێراق وه‌ده‌ست بهێنێت

به‌پێی هه‌واڵی کوردپرێس، مسته‌فا چاوڕه‌ش له‌ کۆنفڕانسێکی ڕۆژنامه‌وانیدا ڕای‌گه‌یاند: ئه‌نجومه‌نی سه‌رکردایه‌تیی یه‌کێتیی نیشتیمانیی کوردستان له‌ کۆبوونه‌وه‌ی ڕۆژی ڕابردووی خۆی (1ی کانوونی یه‌که‌می 2018) له‌ سلێمانی جه‌ختی له‌سه‌ر ئیستیحقاقی خۆی بۆ وه‌رگرتنی پۆستی وه‌زاره‌تی دادی عێراق کرده‌وه‌ و خالد شوانی بۆ وه‌رگرتنی ئه‌و پۆسته‌ کاندید کردوووه‌ هه‌ر بۆیه‌ بڕیاری دا ئه‌مڕۆ یه‌کشه‌ممه‌ 2ی کانوونی یه‌که‌می 2018 شاندێک بۆ گفتوگۆ له‌سه‌ر ئه‌و بابه‌ته‌ ڕه‌وانه‌ی به‌غدا بکات.

ناوبراو گوتیشی: ئه‌و شانده‌ی که‌ یه‌کێتی ڕه‌وانه‌ی به‌غدای ده‌کات به‌ چاودێریی به‌رهه‌م ساڵح سه‌رکۆماری عێراق له‌گه‌ڵ حیزبه‌ سیاسییه‌کانی به‌غدا سه‌باره‌ت به‌ ئیستیحقاقی یه‌کێتی بۆ وه‌رگرتنی پۆستی وه‌زاره‌تی دادی عێراق گفتوگۆ ده‌کات.

سه‌رچاوه‌: ماڵپه‌ڕی هه‌واڵی "بغداد الیوم"

کۆدی هه‌واڵنێر: 60103