جه‌بار یاوه‌ر: زیاتر له 2 ھه‌زار داواكراو ده‌ستگیر كراون
به‌شی عێراق و هه‌رێمی کوردستان- ئه‌مینداری گشتیی وه‌زاره‌تی پێشمه‌رگه‌ی هه‌رێمی کوردستان ڕایگه‌یاند: ژوورێکی ئۆپه‌راسیۆنه‌کان له نێوان وه‌زاره‌تی پێشمه‌رگه، ناوخۆ و ده‌زگا ئه‌منییه‌کان پێکهێندراوه بۆ ده‌ستگیر کردنی ئه‌و که‌سانه‌ی له‌لایه‌ن دادگاکانه‌وه داواکراون.
به‌پێی هه‌واڵی کوردپرێس، ئه‌مڕۆ چوارشه‌ممه 28ی تشرینی دووهه‌می 2018 جه‌بار یاوه‌ر گوتیشی: "ساڵی ڕابردوو لیژنه‌کان توانیویانه له کۆی 2 هه‌زار و 335 داواکراو زیاتر له 2 هه‌زار داواکراو ده‌ستگیر بكه‌ن و دادگایی بكرێن."
ناوبراو ئاماژه‌ی به‌وه‌ش داوه: "به فه‌رمانی وه‌زیری ناوخۆی هه‌رێمی کوردستان بڕیار دراوه سه‌رجه‌م ئه‌و که‌سانه‌ی له‌لایه‌ن دادگاکانه‌وه داواکراون جا له هه‌ر پله‌یێکدا بن ده‌ستگیر بکرێن."
سه‌رچاوه: K24
کۆدی هه‌واڵنێر: 60103
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران